A Fundación Axencia Enerxética Provincial da coruña (FAEPAC), dependente da Deputación, ten previsto realizar unha serie de actividades formativas e informativas sobre enerxía e medio ambiente ao longo do 2009.

No mes de febreiro, concretamente nos días 17, 18 e 19, celébrase o II Congreso Internacional da Enerxía e o Medio Ambiente no recinto feiral de Punta Arnela.

Jesús Castro Lozano, xerente de FAEPAC, espera que o programa que están a preparar para esta nova edición do congreso "sexa de interese" e poidan así "revalidar o éxito da pasada edición na que contamos cn relatores de calado internacional, medio centenar de expertos de primeira liña procedentes de Europa". En referncia ao programa para o congreso do 2009, o xerente de FAEPAC asegura que os temas a tratar serán moi amplos: "O congreso abranguerá diversos ámbitos relacionados co aforro e a eficiencia enerxética, a lexislación e a política autonómica e europea en materia de enerxía, e a divulgación dos proxectos máis novedosos orientados ao máximo aproveitamento das enerxías renovables. Tamén o cambio climático e os seus efectos ocuparán parte da programación"

Feira Internacional

Simultáneamente á celebracióndo congreso terá lugar a I Feira Internacional da Enerxía e do Medio Ambiente. Este será "un espazo para a divulgación, a promoción e a comercialización de bens e servizos no eido da enerxía e do medio ambiente. Neste recinto poderánse atopar solucións tecnolóxicas en materia de enerxía para o desenvolvemento sostible, ademáis de ser un punto de encontro das empresas enerxéticas e as súas aplicacións, a nivel tanto industrial como doméstico", sostén Jesús Castro

Condución Eficiente

Outra das actividades que FAEPAC organizará este novo ano, en colaboración co IDAE e o INEGA, é un curso de condución eficiente. Nesta acción formativa ensinaráse a aplicar unha serie de técnicas para reducir o consumo de combustible e a contaminación medioambiental, ademáis de conseguir aumentar a seguridade vial.

"E é que os españois aforraríamos un 15% anual en combustible cunha condución máis económica e sen diminuir a velocidade media", afirma o xerente da Fundación Axencia Enerxética da Coruña.